لاہور میں گھریلو ملازمہ رضوانہ پر ہونے والے شدید تشدد کے سخت نوٹس کے بعد بہت سے اداکار جیسے وہاج علی،سجل علی اور ماہرہ خان بھی رضوانہ کی حمایت اور چائلڈ لیبر کی مخالفت میں میدان میں آگئے۔
ان کا کہنا ہے کہ ایک معصوم بچی پر ایسا ظلم،اسکی اجازت نہ تو ہمارا اسلام دیتا ہے نہ ہی قانون،ایسا رویہ صرف ایک زہنی طور پر پست اور بیمار انسان ہی کرسکتا ہے۔
ہمارے آئین کے مطابق چائلڈ لیبر ایک جرم ہے اور چائلڈ پروٹیکشن اور انکی تعلیم و تربیت کے لئے بہت سی این۔جی۔اوز کا م کر رہی ہیں اسکے باوجود پاکستان میں چائلڈلیبر بہت عام ہے۔چھوٹے چھوٹے بچے کام کرنے پر مجبور ہیں انکا کوئی پر سانِ حال نہیں ہے کوئی انکے سر پر شفقت اور سرپرستی کا ہاتھ رکھنے والا نہیں ہے۔
یہ معصوم بچے اپنی آنکھوں میں اُمید کی کرن لئے محنت سے کام کر رہے ہیں اسکے باوجود ہمارے معاشرہ میں موجود درندہ صفت لوگ انہیں اپنی درندگی کا نشانہ بناتے ہیں۔چھوٹی سی عمر میں زندگی کے بڑے سبق سیکھ جاتے ہیں۔ اس کے علاوہ رضوانہ کا علاج جرنل ہسپتال میں ہو رہا ہے اور پروفیسر ڈاکٹر جودت سلیم کے مطابق رضوانہ کی ہڈیوں کی پلاسٹک سرجری کی جارہی ہے رضوانہ کی حالت پہلے سے بہت بہتر ہے۔ اسکے بعد اُسکی حالت میں مزید بہتری آجائے گی۔
