دنیا کے دیگر حصوں کی طرح پاکستان میں بھی لپ فلرز کے رجحان نے حالیہ برسوں میں کافی مقبولیت حاصل کر لی ہے۔ لپ فلرز کے لیے ڈرمل فلرز کو ہونٹوں میں انجیکٹ کیا جاتا ہے تا کہ ان کے حجم اور شکل کو بہتر بنایا جا سکے۔
اگرچہ کچھ لوگ اس رجحان کو مثبت طور پر دیکھتے ہیں اور اسے خود اظہاری کا ایک ذریعہ سمجھتے ہیں جب کہ دوسرے صحت پر اس کے اثرات کے بارے میں خدشات کا اظہار کرتے ہیں۔
لپ فلرز کے رجحان کا ایک مثبت پہلو یہ ہے کہ یہ آدمی کو اپنی ظاہری شکل پر کنٹرول دیتا ہے اور اعتماد بڑھاتا ہے۔ بھرے بھرے ہونٹ چہرے کی ہم آہنگی کو بڑھانے میں مدد کرتے ہیں اور انسان کی خود اعتمادی بڑھانے میں بڑا کردار ادا کرتے ہیں۔ اس ٹرینڈ نے لوگوں کو اپنی شکل کے ساتھ تجربہ کرنے کا موقع دیا ہے جو ان کی ذاتی ترجیحات کے مطابق ہو۔
لپ فلرز کے ٹرینڈ نے پاکستان میں بیوٹی انڈسٹری کو معاشی فوائد بھی فراہم کیے ہیں۔ بڑھتی ہوئی مانگ کے ساتھ لپ فلرز کے طریقہ کار میں مہارت رکھنے والے اہل پیشہ افراد، طبی ماہرین اور بیوٹی کلنکس کا ظہور ہواہے۔تاہم، مثبت پہلوؤں کے باوجود پاکستان میں لپ فلرزکے رجحان سے متعلق کچھ خد شات ہیں۔
ایک اہم مسئلہ خوبصورتی کے معیارات پر اثرات اور خوبصورتی کے غیر حقیقی معیار کا تسلسل ہے۔
ویسے تو لپ فلرز کے کوئی خاص سائڈ افیکٹس نہیں ہیں مگر کبھی انجیکشن سائٹ میں پنکچر کے رد عمل کے نتیجے میں سوجن، خراش اور انفیکشن ہو سکتے ہیں۔ مگر انفیکشن ایک غیر معمولی واقعہ ہے اور بہت کم پیش آتا ہے۔
