حال ہی میں مریم نواز نے پنجاب میں چیف منسٹر کا عہدہ سنبھالا ہے. انہوں نے پنجاب کی ترقی کے لیے کئی اقدامات انجام دینے کا منصوبہ بنایا ہے. جن میں کئی شعبوں پر نظر ثانی کرنے کے بعد انکی امپروومنٹ کے لیے کئی منصوبے بنائے ہیں ان میں سے کچھ کی وضاحت انھوں نے اپنی کانفرنس میں کی
نگهبان رمضان پیکج – غرباء کیلئے خوشخبری
وزیراعلیٰ پنجاب مریم نواز شریف نے رمضان المبارک کے لیے ایک انقلابی اقدام کا اعلان کیا ہے۔ نگہبان رمضان پیکج کے نام سے اس اسکیم کے تحت صوبہ پنجاب کے 64 لاکھ کم آمدنی والے خاندانوں کو راشن کی مفت فراہمی کی جائے گی۔ یہ پاکستان کی 77 سالہ تاریخ میں پہلی بار ہو رہا ہے کہ اس اسکیل پر مفت راشن تقسیم جا رہا ہے۔
نگہبان رمضان پیکج 30 ارب روپے کی لاگت سے شروع گیا ہے۔ اس اسکیم کے تحت ہر خاندان کو رمضان المبارک کے مقدس مہینے کے دوران راشن دیا جائے گا۔ مستفید ہونے والے خاندان اپنا شناختی کارڈ اور راشن بیگ پر موجود کوڈ اسکین کرکے نگہبان رمضان راشن کی فراہمی کی تصدیق کر سکتے ہیں۔
شکایت کا ازالہ
وزیراعلیٰ پنجاب مریم نواز نے اس بات کا یقین دلایا ہے کہ نگہبان رمضان پیکج کی نگرانی خود کی جائے گی اور عوام کی شکایات کا ازالہ 72 گھنٹوں کے اندر اندر کیا جائے گا۔ اس اسکیم کے لیے ایک ہیلپ لائن نمبر 2345-08000 بھی قائم کیا گیا ہے تاکہ لوگ اپنی شکایات درج کرا سکیں۔
مريم نواز کا پنجاب کے لیے “خوشحال پنجاب، خوشحال پاکستان” کا ایجنڈا
مريم نواز وزیراعلیٰ پنجاب نے “خوشحال پنجاب، خوشحال پاکستان” کے نعرے کے تحت پنجاب کے لیے ایک جامع ایجنڈے کا اعلان کیا ہے۔ ان کا یہ ایجنڈا صوبے کیٰ عوام کی زندگیوں میں بہتری پر توجہ مرکوز رکھے گا۔
ایجنڈے کے اہم نکات
- بغیر سود قرضہ جات: مريم نواز شريف نے وعدہ کیا ہے کہ وہ بغیر سود کے قرضوں کا نظام متعارف کرائیں گی۔ اس سے غریب لوگوں کو کاروبار شروع کرنے اور اپنے گھر بنانے میں مدد ملے گی۔
- نظام تعلیم میں اصلاحات: تعلیم کے معیار کو بلند کرنے کے لیے اسکولوں میں اصلاحات کی جائیں گی۔ اس میں اساتذہ کی تربیت، نصاب میں تبدیلی اور اسکولوں میں سہولیات کی فراہمی شامل ہیں۔
- ٹریفک مینجمنٹ کا جدید نظام: ٹریفک جام سے نجات کے لیے ایک جدید ٹریفک مینجمنٹ سسٹم متعارف کیا جائے گا۔ اس سے لوگوں کے سفر کا وقت کم ہوگا اور آلودگی میں کمی آئے گی۔
- بنیادی ہیلتھ مراکز / زرعی شعبے میں انقلاب: بنیادی ہیلتھ سنٹر کو بہتر بنایا جائے گا تاکہ لوگوں کو علاج معالجے کی سہولت دستیاب ہو سکے۔ زرعی شعبے میں بھی انقلاب لایا جائے گا تاکہ کسانوں کی آمدنی میں اضافہ ہو اور فصلوں کی پیداوار میں بھی اضافہ ہو۔
- محفوظ پنجاب پروگرام: عوام کے تحفظ کے لیے “محفوظ پنجاب پروگرام” شروع کیا جائے گا۔ اس پروگرام کے تحت پولیس فورس کو مضبوط بنایا جائے گا اور جرائم کی روک تھام کے لیے اقدامات کیے جائیں گے۔
- ستھرا پنجاب پروگرام: “ستھرا پنجاب پروگرام” کے ذریعے صوبے میں صفائی ستھرائی کو یقینی بنایا جائے گا۔ اس سے ماحول کو صاف ستھرا رکھنے میں مدد ملے گی۔
- خواتین کیلئے روز گار کی فراہمی: خواتین کو با اختیار بنانے کے لیے روزگار کی فراہمی کے مواقع پیدا کیے جائیں گے۔ اس سے خواتین مالی طور پر خود کفیل ہو سکیں گی۔
- 5 آئی ٹی سیٹیز: پانچ انفارمیشن ٹیکنالوجی (آئی ٹی) سٹیز بنائے جائیں گے تاکہ نوجوانوں کو روزگار کے مواقع فراہم کیے جا سکیں۔ اس سے پنجاب میں انفارمیشن ٹیکنالوجی کے شعبے کو بھی فروغ ملے گا۔
- ایکسپریس ویز اور پل
یہ منصوبہ صرف سڑکوں کی تعمیر و مرمت سے متعلق نہیں ہے۔ حکومت نے پنجاب میں پانچ نئے ایکسپریس ویز بنانے کا بھی اعلان کیا ہے۔ اس کے علاوہ، صوبے میں 10 خطرناک اور بوسیدہ حالت میں موجود پل کی تعمیر بھی شروع کی جائے گی۔
مریم نواز نے ایک لاکھ گھروں کی تعمیر کا اعلان کیا
پنجاب کی چیف منسٹر مریم نواز شریف کی زیر صدارت ایک اجلاس میں، حکومت نے صوبے بھر میں ایک لاکھ گھر تعمیر کرنے کے منصوبے کا اعلان کیا ہے۔ اس منصوبے کا مقصد ان لوگوں کو سستا اور معیاری رہائش فراہم کرنا ہے جو اس وقت مناسب گھر نہیں رکھتے۔
اجلاس میں اس بات پر بھی زور دیا گیا کہ اس منصوبے کو عملی جامہ پہنانے کے لیے ایک جامع پلان کی ضرورت ہے۔ اس پلان میں یہ باتیں شامل ہوں گی کہ گھر کہاں بنائے جائیں، ان کی قیمت کتنی ہوگی اور مکانات کی الاٹمنٹ کا عمل کیسے کیا جائے گا۔
ایئر ایمبولینس سروس
پنجاب کی چیف منسٹر مریم نواز نے پنجاب کے لیے ایئر ایمبولینس سروس شروع کرنے کا ایجنڈا پیش کیا ہے۔ ایئر ایمبولینس سروس آمدورفت میں لگنے والے وقت کو کم کرکے دور دراز علاقوں میں رہنے والے لوگوں کو علاج فراہم کرنے میں مدد دے سکتی ہے۔ اس سے بیماروں کو بہتر طبی مدد فراہم کرنے میں مدد ملے گی۔ یہ پنجاب کے لوگوں کے لیے ایک مثبت پہل ہے۔ ایئر ایمبولینس سروس سے دور دراز علاقوں میں رہنے والے بیماروں کو بہتر طبی مدد مل سکے گی۔
پنجاب حکومت نے سستی بائیکس کا اعلان کیا
- 20,000 الیکٹرک بائیکس: یہ بائیکس سستی اور ماحول دوست ہیں کیوںکہ وہ بجلی پر چلتی ہیں۔ حکومت طلباء، سرکاری ملازمین اور خواتین سمیت مختلف گروپوں کو رعایتی قرضوں پر یہ بائیکس فراہم کرے گی۔ پہلی بائیکس مئی 2024 میں تقسیم کیے جانے کی توقع ہے۔
صحت کے شعبے میں بڑے اقدامات کا اعلان
پنجاب کی وزارت صحت نے مریم نواز شریف، پنجاب کی چیف منسٹر کی قیادت میں صحت کے شعبے میں کئی اہم اقدامات کا اعلان کیا ہے۔
- نواز شریف کارڈیک سینٹر، سرگودھا اور کینسر ہسپتال، لاہور: حکومت نے ان دونوں ہسپتالوں میں بہتری کے لیے اقدامات کرنے کا اعلان کیا ہے، تاکہ یہاں آنے والے مریضوں کو بہتر علاج کی سہولت مل سکے۔
- ہیلتھ کارڈ کو “ری ڈیزائن” کرنا: حکومت نے ہیلتھ کارڈ کو دوبارہ ڈیزائن کرنے اور اسے جلد از جلد فعال کرنے کا حکم دیا ہے۔ اس سے صوبے کے رہائشیوں کو مفت یا سستا علاج مل سکے گا۔
- اضلاع میں میڈیکل سٹی بنانے کا جائزہ: پنجاب حکومت مختلف اضلاع میں میڈیکل سٹیز بنانے کے امکان کا جائزہ لے رہی ہے۔ یہ سٹیز جدید طبی سہولیات کے ہوں گے اور صوبے کے دور دراز علاقوں میں رہنے والے لوگوں کو علاج معالجے کی سہولت فراہم کریں گے ۔
- سرکاری ہسپتالوں میں ایمرجنسيز میں مفت ادویات کی فراہمی: حکومت نے یہ اعلان کیا ہے کہ سرکاری ہسپتالوں کے ایمرجنسی وارڈز میں مفت ادویات فراہم کی جائیں گی۔ اس سے یہ یقینی بنایا جا سکے گا کہ ہنگامی صورتحال میں آنے والے مریضوں کو بغیر قیمت کے ادویات مل سکیں۔
مریم نوازکاخواتین کے لیے سستا ہاسٹل بنانے کا اعلان
پنجاب کی چیف منسٹر مریم نواز شریف نے خواتین کے لیے ہاسٹل بنانے کا اعلان کیا ہے۔ یہ ہاسٹل تعلیمی اداروں اور بڑے شہروں میں ملازمت کرنے والی خواتین کے لیے سستی رہائش فراہم کریں گے۔ اس اقدام سے خواتین کو محفوظ اور سستی رہائش مل سکے گی۔
مريم نواز شريف کا یہ ایجنڈا پنجاب کے عوام کے لیے ایک امید کی کرن ہے۔ یہ دیکھنا باقی ہے کہ وہ اپنے وعدوں کو پورا کرنے میں کتنی کامیاب ہوتی ہیں۔
